Framkvæmdastjórn HB Granda hf.
Guðmundur Kristjánsson
Forstjóri
Jónas Guðbjörnsson
Fjármálastjóri
Ægir Páll Friðbertsson
Framkvæmdastjóri
Stjórn HB Granda hf.
Magnús Gústafsson
Stjórnarformaður
Menntun:
Rekstrartæknifræðingur frá Odense Teknikum, Hagræðingarnám.
Fyrst kjörinn í stjórn HB Granda hf.:
4. maí 2018.
Starfsreynsla:
Forstjóri Atlantika INC, í Bandaríkjunum, starfslok 31. maí 2018. Fyrri störf: Aðalræðismaður Íslands í New York, forstjóri Icelandic Inc - Coldwater Seafood, forstjóri Hampiðjunnar hf., Hagræðingarráðunautur.
Önnur stjórnarstörf:
Sat í stjórn Brim hf. Sat í stjórn Promens.
Eignarhlutur í HB Granda hf.:
Kr. 81.689 (0,005%)
Hagsmunatengsl:
Engin hagsmunatengsl hvorki við helstu viðskiptaaðila né samkeppnisaðila félagsins eða hluthafa sem eiga meira en 10% hlut í félaginu.
Danielle Pamela Neben
Varaformaður stjórnar
Menntun:
Viðskiptafræðingur frá McGill University í Kanada með áherslu á fjármál.
Fyrst kjörin í stjórn HB Granda hf.:
27. júlí 2018
Starfsreynsla:
Starfar sem markaðsstjóri ePassi á Íslandi. Fyrri störf: Ráðgjafi hjá Maresías slf. og Fidelio Partners (London, England) með áherslu á ráðgjöf í fjárfestatengslum, stjórnarháttum og fyrirtækjaráðgjöf. Framkvæmdastjóri á alþjóðasviði HSBC bankans á árunum 1993-2013. Danielle starfaði í sjö löndum, m.a. í Bretlandi, Þýskalandi, Taívan og Singapore á fyrirtækjasviði, við stjórnun fjárfestatengsla, á einstaklingssviði og við áhættustjórnun. Hún átti sæti í framkvæmdastjórn HSBC Trinkaus & Burkhardt (Int.) SA í Lúxemborg 2012-2013 sem framkvæmdastjóri á rekstrarsviði.
Önnur stjórnarstörf:
Stjórnarmaður hjá Meniga Ltd. og Monerium ehf. Sat í stjórn Félags kvenna í atvinnulífinu á árunum 2016-2018. Stjórnarmaður hjá Landsbankanum (júlí 2013-febrúar 2017), m.a. formaður endurskoðunarnefndar (2014-2016) og formaður framtíðarnefndar (2016-2017).
Eignarhlutur í HB Granda hf.:
Kr. 0 (0,00%)
Hagsmunatengsl:
Engin hagsmunatengsl, hvorki við helstu viðskiptaaðila né samkeppnisaðila félagsins eða hluthafa sem eiga meira en 10% hlut í félaginu.
Anna G. Sverrisdóttir
Stjórnarmaður
Menntun:
Stundaði diplómanám við Ökonomisk Faghögskole í Þrándheimi, með áherslu á endurskoðun og mannauðsmál (er nú hluti af Norges Teknisk Naturvitenskapelige Universitet í Þrándheimi-NTNU) og var áður í Verzlunarskóla Íslands.
Fyrst kjörin í stjórn HB Granda hf.:
28. apríl 2016.
Starfsreynsla:
Sjálfstætt starfandi ráðgjafi, AGMOS ehf., sinnir afmörkuðum verkefnum fyrir Samtök ferðaþjónustunnar SAF. Reynsla úr atvinnulífinu er margvísleg. Hefur einkum unnið við fjármál og framkvæmdastjórn, m.a. hjá eftirfarandi fyrirtækjum: Bláa Lóninu, Laugarvatn Fontana, Viðskiptablaðinu, Vöku-Helgafelli, Íslenska Útvarpsfélaginu (Stöð 2) og Arnarflugi, auk þess að hafa starfað hjá Endurskoðunarskrifstofu Björns og Ara (er nú hluti af Deloitte), Útgerðarfélaginu Hilmi sf. og Landsbankanum.
Önnur stjórnarstörf:
Stjórnarformaður Into the Glacier ehf. Á sæti í stjórnum Hreyfingar ehf., AGMOS ehf. og Framkvæmdasjóðs ferðamannastaða. Fyrri stjórnarseta m.a. í eftirfarandi félögum og stofnunum: Lífeyrissjóði verzlunarmanna, Útflutningsráði, Ferðamálaráði, Samtökum ferðaþjónustunnar og Arnarflugi hf. Hefur auk þess verið mjög virk í nokkrum frjálsum félagasamtökum. Hefur einnig sinnt margvíslegum nefndarstörfum fyrir atvinnuvega-, utanríkis-, samgöngu- og umhverfisráðuneyti.
Eignarhlutur í HB Granda hf.:
Kr. 0 (0,00%)
Hagsmunatengsl:
Engin hagsmunatengsl, hvorki við helstu viðskiptaaðila né samkeppnisaðila félagsins eða hluthafa sem eiga meira en 10% hlut í félaginu.
Eggert Benedikt Guðmundsson
Stjórnarmaður
Menntun:
Rafmagnsverkfræðingur (Dipl.-Ing.) frá Tækniháskólanum í Karlsruhe, MBA frá IESE viðskiptaháskólanum í Barcelona.
Fyrst kjörinn í stjórn HB Granda hf.:
4. maí 2018.
Starfsreynsla:
Starfar sem ráðgjafi hjá IceCure ehf. Fyrri störf: Forstjóri eTactica ehf., forstjóri N1 hf., forstjóri HB Granda hf., forstöðumaður viðskiptaþróunar hjá Philips Electronics, verkfræðingur hjá Íslenska járnblendifélaginu hf.
Önnur stjórnarstörf:
Stjórnarformaður Hótels Holts, Hausta ehf. Formaður Leikfélags Reykjavíkur.
Eignarhlutur í HB Granda hf.:
Kr. 0 (0,00%)
Hagsmunatengsl:
Engin hagsmunatengsl, hvorki við helstu viðskiptaaðila né samkeppnisaðila félagsins eða hluthafa sem eiga meira en 10% hlut í félaginu.
Kristrún Heimisdóttir
Stjórnarmaður
Menntun:
Lögfræðingur, cand.jur. frá Háskóla Íslands. Laga-og heimspekinám í KU Leuven Belgíu og í UCC Cork á Írlandi. Doktorsnám í Bandaríkjunum.
Fyrst kjörin í stjórn HB Granda hf.:
27. júlí 2018.
Starfsreynsla:
Hefur frá 2015 verið rannsóknarfélagi við Columbia University Law School í New York. Framkvæmdastjóri Samtaka iðnaðarins 2013-2014. Lektor við Háskólann á Akureyri frá 2012 og nú gestalektor þar. Aðstoðarmaður efnahags- og viðskiptaráðherra 2010-2012. Lögfræðilegur ráðgjafi velferðarráðherra 2009-2010. Aðstoðarmaður utanríkisráðherra 2007-2009. LEX lögmannsstofa 2006-2007. Lögfræðingur Samtaka iðnaðarins 2002-2006. Valnefnd sigurtillögu vegna samkeppni um byggingu tónlistarhúss í Reykjavík 2005-2006. Kenndi við Háskólann í Reykjavík og Háskólann á Bifröst. Framkvæmdastjóri ReykjavíkurAkademíunnar. Lögfræðingur hjá Umboðsmanni Alþingis. Íþróttafréttakona o.fl. hjá RÚV. Starfaði með Thorvald Stoltenberg fyrir hönd Íslands í nefnd um varnarsamstarf Norðurlanda 2008. Í stjórnarskrárnefnd 2005-2007.
Önnur stjórnarstörf:
Í stjórn "Leifur Eiríksson Foundation". Í siðanefnd Knattspyrnusambands Íslands. Varamaður í stjórn Samtaka sparifjáreigenda. Dæmi um fyrri stjórnarstörf: Stjórnarformaður Nýsköpunarsjóðs atvinnulífsins, stjórnarformaður Félagsþjónustu kirkjunnar, stjórnarformaður Hlaðvarpans ehf. Ritari stjórnar Íþrótta- og Ólympíusambandsins. Formaður Afrekssjóðs. Stjórn Háskólans í Reykjavík. Samstarfsvettvangur sjávarútvegs og iðnaðar.
Eignarhlutur í HB Granda hf.:
Kr. 0 (0,00%)
Hagsmunatengsl:
Engin hagsmunatengsl, hvorki við helstu viðskiptaaðila né samkeppnisaðila félagsins eða hluthafa sem eiga meira en 10% hlut í félaginu.
Hluthafar
Skráð hlutafé HB Granda hf. var 1.822,2 milljónir króna í árslok 2018. Félagið átti í árslok eigin hluti að nafnverði 8,6 milljónir króna, þannig að útistandandi hlutafé nam 1.813,6 milljónum króna. Hluthafar í upphafi árs voru 1.175 en voru 890 í árslok. Í árslok 2018 áttu þrír hluthafar yfir 10% eignarhlut í félaginu en þeir voru Útgerðarfélag Reykjavíkur hf. sem átti 37,2%, Lífeyrissjóður verslunarmanna sem átti 13,2% og Lífeyrissjóður starfsmanna ríkisins A-deild sem átti 10,7%.
Gengi hlutabréfa var 33,7 í árslok 2018 en 35,0 í ársbyrjun. Raunávöxtun hlutabréfa á árinu, að meðtöldum arði í félaginu, reyndist vera neikvæð um 4,8%. Þá er miðað við bréf sem keypt var á lokagengi ársins 2017 og selt í lok ársins 2018, að teknu tilliti til greiðslu arðs og verðbólgu á árinu. Sé litið til lengri tíma var raunávöxtun hlutabréfs, sem var keypt í lok árs 1998 og selt um síðustu áramót, um 7,4% á ári að meðaltali.
Skráð viðskipti með hlutabréf í HB Granda hf. námu 34.602 milljónum króna árið 2018. Skráð viðskipti árið 2017 námu 16.865 milljónum króna. Úrvalsvísitala OMX Iceland lækkaði um 1,28% árið 2018 en hækkaði um 0,03% að teknu tilliti til arðgreiðslna.
| í millj. kr. | % | |
|---|---|---|
| Útgerðarfélag Reykjavíkur hf. | 674,6 | 37,2% |
| Lífeyrissjóður verslunarmanna | 239,9 | 13,2% |
| Lífeyrissjóður starfsmanna ríkisins A-deild | 194,4 | 10,7% |
| Gildi lífeyrissjóður | 155,1 | 8,5% |
| Lífeyrissjóður starfsmanna ríkisins B-deild | 71,8 | 4,0% |
| Birta lífeyrissjóður | 71,8 | 4,0% |
| Stefnir ÍS 5 | 51,9 | 2,9% |
| Ingimundur Ingimundarson | 48,0 | 2,6% |
| Eignarhaldsfélagið VGJ ehf. | 46,7 | 2,6% |
| Stefnir ÍS 15 | 39,9 | 2,2% |
| Aðrir hluthafar | 219,5 | 12,1% |
| Útistandandi hlutafé | 1.813,6 | 100,0% |
Aðalfundur 2018
Aðalfundur HB Granda hf. var haldinn föstudaginn 4. maí 2018. Fundinn sóttu 97 hluthafar sem fóru með 95,7% af hlutafé félagsins, auk gesta.
Formaður stjórnar, Kristján Loftsson, flutti skýrslu stjórnar og gerði grein fyrir rekstri og afkomu félagsins á liðnu starfsári. Vilhjálmur Vilhjálmsson, fyrrverandi forstjóri, kynnti ársreikning HB Granda hf. og gerði grein fyrir ýmsum þáttum starfseminnar á liðnu ári, ásamt því að svara fyrirspurnum.
Tillaga stjórnar um að greidd yrði 0,70 kr. á hlut í arð af hlutafé var samþykkt samhljóða.
Sex aðilar buðu sig fram í kjöri til stjórnar á aðalfundinum. Í stjórn voru kjörin: Anna G. Sverrisdóttir, Eggert Benedikt Guðmundsson, Guðmundur Kristjánsson, Magnús Gústafsson og Rannveig Rist.
Deloitte ehf. var kjörið endurskoðunarfélag.
Á fyrsta stjórnarfundi eftir aðalfund skipti stjórnin með sér verkum. Guðmundur Kristjánsson var kjörinn formaður og Rannveig Rist varaformaður.
Breytingar á stjórn
Þann 21. júní varð sú breyting á stjórn félagsins að Guðmundur Kristjánsson hætti sem stjórnarformaður og tók við sem forstjóri HB Granda hf. af Vilhjálmi Vilhjálmssyni. Samhliða var Magnús Gústafsson kjörinn formaður stjórnar.
Í lok júní sagði Rannveig Rist sig úr stjórn HB Granda hf.
Danielle Pamela Neben og Kristrún Heimisdóttir komu nýjar inn í stjórn HB Granda hf. í lok júlí.
Á stjórnarfundi í lok ágúst var Danielle Pamela Neben kjörin varaformaður stjórnar.